Search

تفضلو :)

هل بشي يوم فكرتو وين بيروح كل الاكل الي ما بتختاروه بالسوق؟ الخيارة اللي شكلها ما حلو كتير، الموزة الي شوي عليها سواد

؟ الخسة الي طرفها بني؟ وين البندورة الي حبتها شوي اطرى من العادة بتوصل اخر النهار ؟ بدي احكيلكم كم سر الي فترة بفكر كيف احكيهن بدون ما تنهار علي التعليقات.. بشي فترة بحياتي قررت انه اشتري بس امور متل هاد، الي مهددة انها تنتهي بمكب النفايات،لانه حسيت على عاتقي مسؤولية انه ما يصير فيها هيك.. ما بس الخضار والفواكة، الحليب، الجبنة والخبز، فعليا كل شي ممكن انقذه من هاد المصير التعيس..بينتهي بثلاجتنا.. من غير ما حتى يكلف حتى نصف معدل استهلاك اي عيلة حوالي.. معروف عني، بحب استضيف ناس كتير، وكل ما قدرت، بحكي (تفضلو) واحب على قلبي انه اعد سفرة بكل سرور.. اغلب هاد السفر بتكون من هاد الاكل وعادة ما بيطري الضيف على الطيبة واللذة بدون ما يعرف اصل هاد الاكل.. بيعلق اميل زوجي علي كتير، انه انا ما بمشي على وصفة معينه، ولا حتى بعيد نفس الطبخة مرتين، لانه الخضار الي بتنتهي بسلة الشراء بتكون حسب وضعها الصحي يعني كم احتمالية حد يشتريها، مرات بتكون عليها عرض ومرات لا، بس عالاغلب بتكون مسكينه وبدها حب، وبتنتهي على طاولتي باطيب ما يكون من سنه تقريبا بدات اساعد سيدة هون بالطبخ لاشخاص بلا مأوى، مئات الاشخاص اسبوعيا والي هني باستراليا اكتر من مئة الف.. حسيت اكتر كم اهمية الحفاظ على هيك طعام، هي كمان بتنقذ الاكل قبل اخر محطة وبتعمل منه وصفات لذيذة، كل اسبوع ٣ ايام بنشوف شو موجود بالسلة وبنطبخ اكل لكتير اشخاص، الي بينامو اخر الليل شبعانين، لانه في شخص فكر انه يستثمر بالاكل بدل ما ينتهي بالزبالة..مئات الاشخاص بياكلو من فائض دكان واحد بس، تخيلو لو كل دكان عمل هيك رغم قدرتي الجسدية المحدودة للمساعدة وشعوري بالتعب، الا انه الشعور رائع كل مرة بيوصل فيها الاكل والتعليقات اللي بتدفي القلب بتخليني جاهزة كل اسبوع من جديد بزيارة لصديقة عزيزة فكرت اطبخ شي عندها، وبدون مبالغة اعتقد كمية الاكل الي رميتها من البراد ملأت كيس قمامة كبير، باكتر من ١٠٠$ من الاكل المهدور.. كل سنه معدل الهدر بفيكتوريا لوحدها اكتر من ٢٠٠٠$ للبيت الواحد، هاد طبعا غير الاكل الي اصلا لا يشترى من الاساس.. البندورة بتنعمل صوص، والفليفلة بتنشوى، كل شي ممكن نستفاد منه ونستثمر فيه لو عنجد بدنا.. من وقتها كمان عندي حفرة بالبيت، يلي بينتهي فيها النفايات العضوية، واشتركت مع مجموعة مزارعين بعطيهن الفائض همي كمان للسماد.. اغلب الجذور بتنزرع، وكل شي ممكن يعاد استعماله بطريقك او باخرى، يا ريت لو نكون شوي مسؤولين.. رجاءاً.. المرة الجاي بس تكونو بالسوق، فكرو كتير منيح لما ترجعو اي شي مش عاجبكم، شو رح يصير فيه..وخذو على عاتقكم انه تساعدو ولو شوي، ولو فاض من المصروف شوي، اعملو شي لوجه الله يعبي قلبكم دفا.. الصور هي بس مثال صغير لشو ممكن تعمل

1.7KGhazal Baghdadi, Amal Assaf and 1.7K others 384 Comments Like Comment

0 views
  • Black Facebook Icon
  • Black Instagram Icon
  • Black LinkedIn Icon
  • Black Twitter Icon
  • Black YouTube Icon