Search

We Too, Want To Play...إحنا كمان بدنا نلعب

إحنا كمان, بدنا نلعب..


شكرا كتير لاهتمامك لاعداد مكتبة الالعاب الاولى من نوعها بفلسطين لحتى تتيح الأمكانية لامهات الاطفال ما دون الخمس سنوات.لحتى يلاقو إطار ما بين استعارة للبيت ولعب في المكتبات مع الاطفال الآخرين بيساعد الامهات انه ينمو تفكير وجسد اطفالهن ما بين جيل يوم حتى الحضانه.



طيب... شو المطلوب ومن مين: من الامهات وربات المنزل، بدنا ألعاب لجيل ما بين يوم لخمس سنوات، شوفو خزائن الالعاب والمخزن، والغرف عندكو، افرزوهن ونظفوهن، جمعو أجزاءها كلهن بكيس بيتسكر بأحكام واذا في ورقة شرح لكيفية شرح اللعبة ولأي جيل ، مش مهم باي لغة كانت الرجاء ارفاقها. هاد رح يساعدنا نخلي الشي اسهل لموظفي المكتبة.


طيب شو اه وشو لا بالنسبة للالعاب؟

لعبة بتعرف انها عرضه للانكسار وهشة؟ لا لعبة تشجع على اي نوع من العنف ؟لا لعبة صوف او ضروري تنغسل متل ألعاب الرضع؟ لا لعبة ناقص أجزاءها ؟ لا


بازل، تركيبية، قطارات سيارات،ألعاب خشب، ألعاب تنكر، ذاكرة، ألعاب بيت بيوت بناء ...لعب مونتيسوري اي شي من هاد النوع، رح اشارك قريبا بالموقع صور لمحلات ألعاب هون شبيهه لحتى تفهمو اكتر.


يا متطوعين يا جدعان..

المطلوب انه تتوجهو لكتير اماكان ممكنة لجمع الالعاب، وتوجهوها للمكان الصح، بكل بلد في مكان رح يكون مكان لتجمع الالعاب، بالطيبة، بتشرين الرائعين، قلنسوة، مدرسة الزهراء، بجت وباقة، كفر برا، كفر قاسم، الناصرة، حيفا ويافا، ام الفحم وبئر السبع، طمرة وكتير محلات بالنص، بس تواصلو معي وبخبركم.


وين رح تروح الالعاب؟

اول مكان 🙂 مكاتب غزة العامة، المكتبة فيها كتير فيديوهات وأسطوانات وامور ما عاد ممكن انه تستعمل هاد المكان رح يتبدل بغرفة لهاد الالعاب. ولانه في نظام إعارة موجود مسبقا بالمكتبة، هاد الشي رح يضمن انه العملية تتم بشكل جميل.بعد هيك في مؤسسات شغالة بمخيمات بالضفة وعندها كمان نظام استعارة للكتب، بمشاريع سابقة اشتغلت مع مركز الرواد والي عنده شراكات مع مؤسسات تانية، رح يضمن انه توصل نفس الهدف.

بعد هيك اماكن عدة بفلسطين وهاد حسب كمية الالعاب الي رح نوصلها :)



كيف رح توصل الالعاب لغزة، عن طريق مؤسسة الي بتنقل المرضى من والى المعابر، هي رح توفرلنا الإمكانية للموضوع، هاد الشي كان سبب تأخري انه احكي عن الموضوع، كان لازم أتأكد أولا انه ممكن, اذا ربنا اراد انا كمان رح ادخل هناك لأتأكد انه كل شي تمام, الطلب موجود وعلى أمل..



احنا شعب جدا مستهلك وممكن بكل سهولة نخلي هاد الشي موجود مو بس بغزة والضفة وإلا بكل مكان.. يلا اول نساعد هناك وبعدين بكل قرية..


شو كمان ممكن نعمل؟ نترك تعليق بأسمنا, منطقتنا طريقة تواصل وكيف بنحب نساعد..وهيك الاشخاص ممكن يتوجهو الكم بشكل مباشر.

0 views
  • Black Facebook Icon
  • Black Instagram Icon
  • Black LinkedIn Icon
  • Black Twitter Icon
  • Black YouTube Icon